80,000ത്തിലേക്ക് എത്തുമെന്ന് തോന്നിപ്പിച്ച രീതിയില് കുതിച്ചുയര്ന്ന സ്വര്ണവിലയില് ഇന്ന് നേരിയ കുറവ്. 80 രൂപയാണ് പവന് കുറഞ്ഞത്. 78,360 രൂപയാണ് ഒരു പവന് സ്വര്ണത്തിന്റെ വില. രണ്ടാഴ്ച കൊണ്ട് 5000 രൂപയുടെ വര്ധനവാണ് സ്വര്ണവിലയില് ഉണ്ടായത്.കഴിഞ്ഞ മാസം എട്ടിന് 75,760 രൂപയായിരുന്നു സ്വര്ണവില. പിന്നീട് 20-ാം തീയതി വരെയുള്ള കാലയളവില് 2300 രൂപ താഴ്ന്ന ശേഷം തുടര്ന്നുള്ള ദിവസങ്ങളില് സ്വര്ണവില തിരിച്ചുകയറുന്നതാണ് ദൃശ്യമായത്. 20-ാം തീയതി 73,440 രൂപയായിരുന്നു സ്വര്ണവില.
