സംസ്ഥാനത്ത് ഇന്ന് സ്വര്ണവിലയില് വര്ധനവ്. പവന് 880 രൂപ വര്ധിച്ച് 89,960 രൂപയായി. ഒരു ഗ്രാം സ്വര്ണത്തിന് 11,245 രൂപ നല്കണം. ഇന്നലെ രണ്ടു തവണയായി സ്വര്ണവിലയില് മാറ്റം സംഭവിച്ചു. രാവിലെ കുറഞ്ഞ സ്വര്ണവില ഉച്ചയ്ക്കു ശേഷം വര്ധിക്കുന്നതാണ് കണ്ടത്. രാവിലെ 88,360 രൂപയായിരുന്ന സ്വര്ണവില ഉച്ചയ്ക്കുശേഷം 89,080 രൂപയിലെത്തുകയായിരുന്നു.സ്വര്ണവില ഒട്ടും വൈകാതെ തന്നെ ഒരു ലക്ഷം കടക്കുമെന്ന സൂചനകളായിരുന്നു വിപണിയില് നിന്ന് ലഭിച്ചിരുന്നത്. അതിവേഗതിയിലായിരുന്നു കഴിഞ്ഞ കുറച്ച് കാലങ്ങളിലായി സ്വര്ണ വിലയില് വര്ധനവ് രേഖപ്പെടുത്തിയിരുന്നത്. എന്നാല് കുറച്ച് ദിവസമായി സ്വര്ണവില കൂടിയും കുറഞ്ഞു നില്ക്കുന്ന അവസ്ഥയിലാണ്.സ്വര്ണവിലയിലുണ്ടാകുന്ന ഉയര്ച്ച അനുസരിച്ച് സ്വര്ണത്തിന്റെ ആവശ്യകതയില് ഇടിവ് ഉണ്ടായിട്ടില്ലെന്നത് എടുത്ത് പറയേണ്ടതാണ്. ആഭരണത്തിന് മാത്രമാണ് ആവശ്യക്കാര് കുറയുന്നത്. അതേസമയം, ബാര്, കോയിന്, ഡിജിറ്റല് ഗോള്ഡ് എന്നിങ്ങനെ പല രീതിയില് സ്വര്ണവില്പ്പന നടക്കുന്നുണ്ട്. അവയ്ക്കെല്ലാമാണ് ആവശ്യക്കാരുള്ളത്. നിക്ഷേപകരും ഉപഭോക്താക്കളും സ്വര്ണവിലയില് തുടരുന്ന ഈ സ്ഥിരതയെ ഇരുകൈയും നീട്ടി സ്വീകരിക്കുക തന്നെയാണ്സെന്ട്രല് ബാങ്കുകള് സ്വര്ണം വാങ്ങിക്കൂട്ടുന്നതും അമേരിക്കന് കേന്ദ്ര ബാങ്കായ ഫെഡറല് റിസര്വിന്റെ തീരുമാനങ്ങളും സ്വര്ണവിലയിലെ കുതിപ്പിന് വഴിവെച്ചിട്ടുണ്ട്. ഈ വര്ഷം മാസം തോറും 64 ടണ് സ്വര്ണമാണ് സെന്ട്രല് ബാങ്കുകള് വാങ്ങിയെതെന്നാണ് ഗോള്ഡ്മാന് സാച്ച്സ് റിസര്ച്ചിന്റെ റിപ്പോര്ട്ട്.
