കൂട്ടുകാരോടൊപ്പം പുഴയിൽ കുളിക്കാനിറങ്ങിയപ്പോൾ ചുഴിയിൽപെട്ടു; കോളജ് വിദ്യാർഥിക്ക് ദാരുണാന്ത്യം

കൂട്ടുകാരോടൊപ്പം പുഴയിൽ കുളിക്കാനിറങ്ങിയപ്പോൾ ചുഴിയിൽപെട്ടു; കോളജ് വിദ്യാർഥിക്ക് ദാരുണാന്ത്യം.കാസർകോട്: കൂട്ടുകാരോടൊപ്പം പുഴയിൽ കുളിക്കാനിറങ്ങിയ കോളജ് വിദ്യാർഥി മുങ്ങിമരിച്ചു. ബളാംതോട് കോയത്തടുക്കം ആദം വേങ്ങക്കൽ രാജന്റെ മകൻ എ.ആർ.രാഹുലാണ് (19) ബളാംതോട് മായത്തി ക്ഷേത്രത്തിനു സമീപം പുഴയിൽ മുങ്ങി മരിച്ചത്. വെള്ളിയാഴ്ച മൂന്നു മണിയോടെ കൂട്ടുകാരോടൊപ്പം പുഴയിൽ മീൻ പിടിക്കാനും കുളിക്കാനുമായി ഇറങ്ങിയതായിരുന്നു.നാല് മണിയോടെ പുഴയിലെ ആഴമേറിയ ഭാഗത്തെ ചുഴിയിൽ രാഹുൽ അകപ്പെടുകയായിരുന്നു. കൂട്ടുകാരുടെ നിലവിളി കേട്ടതിനെ തുടർന്ന് നാട്ടുകാർ എത്തി രാഹുലിനെ കരയ്ക്ക് എത്തിച്ചപ്പോഴേക്കും മരിച്ചിരുന്നു. രാജപുരം സെന്റ് പയസ് ടെൻത് കോളജിലെ രണ്ടാം വർഷ ബിബിഎ വിദ്യാർഥിയാണ്.മാതാവ്- ഷിജി, സഹോദരൻ- അഖിൽ.