അടിമാലി എസ്.എൻ.ഡി.പി വൊക്കേഷണല്‍ ഹയർ സെക്കൻഡറി സ്‌കൂളിലെ സ്‌കൂള്‍ കലോത്സവവും കരിയർ സെമിനാറും സ്‌കൂള്‍ ഓഡിറ്റോറിയത്തില്‍ നടന്നു.
അടിമാലി: എസ്.എൻ.ഡി.പി വൊക്കേഷണല്‍ ഹയർ സെക്കൻഡറി സ്‌കൂളിലെ സ്‌കൂള്‍ കലോത്സവവും കരിയർ സെമിനാറും സ്‌കൂള്‍ ഓഡിറ്റോറിയത്തില്‍ നടന്നു.കലോത്സവത്തിന്റെ ഉദ്ഘാടനം കഴിഞ്ഞ സിവില്‍ സർവീസ് പരീക്ഷയില്‍ 603-ാം റാങ്ക് നേടിയ അനുശ്രീ സത്യൻ നിർവഹിച്ചു. തുടർന്ന് ‘സിവില്‍ സർവീസ്: സ്വപ്നത്തിലേക്ക് ഒരു യാത്ര” എന്ന വിഷയത്തെ ആസ്പദമാക്കി അനുശ്രീ സത്യൻ കരിയർ സെമിനാർ നയിച്ചു. സിവില്‍ സർവീസ് എക്സാമിനെ കുറിച്ചുള്ള കുട്ടികളുടെ വിവിധ സംശയങ്ങളും സെമിനാറില്‍ ചർച്ചയായി. തുടർന്ന് കുട്ടികളുടെ വിവിധ കലാപരിപാടികള്‍ നടന്നു.ഹയർ സെക്കൻഡറി പ്രിൻസിപ്പല്‍ കെ.എസ്. ശോഭ, വൊക്കേഷണല്‍ ഹയർ സെക്കൻഡറി പ്രിൻസിപ്പല്‍ എം.എസ്. അജി, ഹെഡ്മിസ്ട്രസ് പി.എസ്. പ്രിജി, സ്റ്റാഫ് സെക്രട്ടറി കെ. രാജേഷ്, ആർട്സ് കണ്‍വീനർ പി.ജി. രാജീവ്, ഇ.എ.ഇ.ഇ കോ- കോർഡിനേറ്റർ പി.എസ്. നിഥില്‍ നാഥ്, റബീഷ് പുരുഷോത്തമൻ എന്നിവർ യോഗത്തില്‍ സംസാരിച്ചു.
