ഇടുക്കി: ഇടുക്കി വണ്ണപ്പുറത്ത് ഓടിക്കൊണ്ടിരുന്ന കാറിന് തീപിടിച്ചു. ഹൈറേഞ്ച് ജംഗ്ഷനിലെ പെട്രോള് പമ്പിന് മുന്നില് വച്ചായിരുന്നു അപകടം..കാർ പൂർണ്ണമായും കത്തി നശിച്ചു. അപകടത്തില് ആർക്കും പരിക്കില്ല. തൊടുപുഴയില് നിന്നും വന്ന കാർ ഇന്ധനം നിറയ്ക്കാൻ പെട്രോള് പമ്പിലേക്ക് കയറ്റുന്നതിനിടെയാണ് തീ പിടിച്ചത്. തീ പടർന്നതോടെ പെട്രോള് പമ്പിലും സമീപത്തെ വ്യാപാര സ്ഥാപനങ്ങളിലും ഉള്ളവരെ സ്ഥലത്ത് നിന്നും മാറ്റി. തൊടുപുഴയില് നിന്ന് അഗ്നിരക്ഷാസേന എത്തിയാണ് തീ അണച്ചത്.
