സംസ്ഥാനത്ത് ഇന്ന് സ്വര്ണവിലയില് വന് വര്ധനവ്. പവന് 1680 രൂപ വര്ധിച്ച് 93,720 രൂപയായി. ഒരു ഗ്രാം സ്വര്ണത്തിന് 11,715 രൂപ നല്കണം. ഇന്നലെ ഒരു പവന് സ്വര്ണത്തിന് 92,040 രൂപ നല്കണം. 24 കാരറ്റ് സ്വര്ണം ഒരു ഗ്രാമിന് 12,780 രൂപ നല്കണം. 18 കാരറ്റ് ഒരു പവന് സ്വര്ണത്തിന് 9585 രൂപയാണ് വില.സ്വര്ണവില വീണ്ടും വര്ധനവിൻ്റെ പാതയിലാണ്. ഇത്തവണ ലക്ഷത്തിലെത്താനുള്ള സാധ്യത വളരെ കൂടുതലാണെന്നാണ് വിപണി വിദഗ്ധര് പറയുന്നത്. കഴിഞ്ഞ മാസം ഒരു ലക്ഷം എത്തുമെന്ന് പ്രതീക്ഷിച്ച സ്വര്ണവില കുറഞ്ഞ് 90,000ത്തിനും 89,000ത്തിനും ഇടയില് നിന്ന് കറങ്ങുന്ന സാഹചര്യമായിരിന്നു ഉണ്ടായത്.ആഗോള വിപണിയിലെ ചലനങ്ങളെ തുടര്ന്ന് രാജ്യാന്തര വിപണയില് വന്ന മാറ്റങ്ങളാണ് കേരളത്തില് സ്വര്ണവില വര്ധിക്കുന്നതിന് കാരണമായത്. യുഎസിലെ ‘ഷട്ട്ഡൗണ്’ റെക്കോര്ഡിട്ട് 43-ാം ദിവസത്തിലേക്ക് എത്തി നില്ക്കുകയാണ്. ഇതുമൂലം ഉണ്ടാകുന്ന തൊഴിലില്ലായ്മയും സ്വര്ണം സുരക്ഷിത നിക്ഷേപം എന്ന നിലയിലേക്ക് ഉയരുന്നതിന് കാരണമായി. ഇതിനെ തുടര്ന്ന് ഡിസംബറില് അമേരിക്കന് കേന്ദ്രബാങ്കായ ഫെഡറല് റിസേര്വ് ബാങ്ക് പലിശ നിരക്ക് കുറയ്ക്കാനുള്ള സാധ്യതയും കൂടുതലാണ് ഇത്തരത്തിലുള്ള സാഹചര്യത്തില് സ്വര്ണത്തിന്റെ വില ഇനിയും വര്ധിക്കുമെന്നാണ് വിപണി വിദഗ്ധര് പറയുന്നത്.
