വരവ് -101 കോടി ചെലവ് -93 കോടിഗ്രാമീണ റോഡുകള്‍ക്ക് പ്രാധാന്യം ആരോഗ്യ മേഖലയ്ക്കും ടൂറിസത്തിനും പ്രത്യേക ശ്രദ്ധ.
കാർഷിക മേഖലയ്ക്കും ക്ഷീരമേഖലിക്കും വനിത സ്വയംതൊഴില്‍ സംരംഭങ്ങള്‍ക്കും പരിഗണന പട്ടികജാതി പട്ടികവർഗ്ഗ വിഭാഗങ്ങള്‍ക്ക് 1 കോടി 22 ലക്ഷം രൂപയുടെ പദ്ധതികള്‍.കട്ടപ്പന : നഗരസഭയുടെ സർവോൻമുഖമായ വികസനവും, പുരോഗതിയും ലക്ഷ്യമിട്ടുള്ള ബഡ്ജറ്റ് നഗരസഭാ വൈസ് ചെയർമാൻ കെ.ജെ ബെന്നി അവതരിപ്പിച്ചു. 101,33,02,503 രൂപ വരവും, 93,43,29,703 രൂപചെലവും പ്രതീക്ഷിക്കുന്ന ബജറ്റാണ് അവതരിപ്പിച്ചത്. കട്ടപ്പന താലൂക്ക് ആശുപത്രിയെ ഘട്ടം ഘട്ടമായി സൂപ്പർ സ്‌പെഷ്യാലിറ്റി ആശുപത്രിയായി ഉയർത്തുക എന്ന ലക്ഷ്യത്തോടെ ആശുപത്രിയുടെ പ്രവർത്തനങ്ങള്‍ക്ക് കൂടുതല്‍ സ്ഥലം ഏറ്റെടുക്കുന്നതിന് 75 ലക്ഷം രൂപ ബജറ്റില്‍ വകയിരുത്തിയിട്ടുണ്ട്. മാലിന്യ സംസ്‌ക്കരണത്തിന് കൂടുതല്‍ പ്രാധാന്യം നല്‍കി സ്ഥലപരിമിതി പരിഹരിക്കുന്നതിന് 20 ലക്ഷം രൂപയും, തൊടുപുഴ പുളിയന്മല നാഷണല്‍ ഹൈവേയില്‍ കമ്ബനിപ്പടിയില്‍ താമസിക്കുന്ന, സ്വന്തമായി വീടോ സ്ഥലമോ മറ്റ് ആവാസ വ്യവസ്ഥകളോ ഇല്ലാത്ത ജനങ്ങളെ പുനരധിവസിപ്പിക്കുന്നതിന് സ്ഥലം വാങ്ങുന്നതിലേക്കായി 25 ലക്ഷം രൂപയും വകയിരുത്തി.നഗരപ്രദേശങ്ങളിലും ഗ്രാമങ്ങളിലും എല്‍.ഇ.ഡി ലൈറ്റുകള്‍ സ്ഥാപിക്കുന്നതിനായി ഇരുപത് ലക്ഷം രൂപനഗരത്തിന്റെ വിവിധ ഭാഗങ്ങളിലേക്ക് ആയി സോളാർ ലൈറ്റുകള്‍ സ്ഥാപിക്കുന്നതിന് ഇരുപത്തി രണ്ട് ലക്ഷം രൂപനഗരത്തിന്റെ വിവിധ ഭാഗങ്ങളില്‍ സിസിടിവി എ ഐ ക്യാമറകള്‍ സ്ഥാപിക്കുന്നതിന് പത്തുലക്ഷം രൂപകർഷകരുടെ വിവിധ പദ്ധതികള്‍ക്കായി 28 ലക്ഷം രൂപജലസേചന പമ്ബ് സെറ്റ് വിതരണത്തിനായി 17 ലക്ഷം രൂപയും, പച്ചക്കറി തൈ വിതരണത്തിന് 2 ലക്ഷം രൂപയും വകയിരുത്തിക്ഷീര കർഷകർക്ക് ഇൻസെന്റീവ് നല്‍കുന്നതിനായി 20 ലക്ഷം രൂപകൃഷിഭവൻ നിർമ്മാണത്തിനായി 15 ലക്ഷം രൂപയുംകല്യാണത്തണ്ട് ടൂറിസം പദ്ധതിക്കായി 30 ലക്ഷം രൂപപട്ടികജാതി പട്ടികവർഗ്ഗ വിഭാഗങ്ങളില്‍ പെട്ട ജനങ്ങളുടെ ക്ഷേമത്തിനും ഉന്നമനത്തിനുമായുള്ള വിവിധ പദ്ധതികള്‍ക്കായി 1കോടി 22 ലക്ഷം രൂപ പകല്‍വീട് നിർമ്മാണത്തിന് 20 ലക്ഷം രൂപവയോജനങ്ങളുടെ ശാരീരിക മാനസിക ഉല്ലാസത്തിനായി 6 ലക്ഷം രൂപവിവിധ സഹായ ഉപകരണങ്ങളും കമ്ബിളി വിതരണത്തിനുമായി 8 ലക്ഷം രൂപവയോജന സംഗമത്തിന് 1 ലക്ഷം രൂപഭിന്നശേഷിക്കാർക്ക് പെട്ടിക്കട നിർമ്മിച്ചു നല്‍കുന്നതിന് 3 ലക്ഷം രൂപതാലൂക്ക് ആശുപത്രിയിലേക്ക് മരുന്നും ഉപകരണങ്ങളും വാങ്ങുന്നതിലേക്കായി 20 ലക്ഷം രൂപഡയാലിസിസ് യൂണിറ്റ് കാര്യക്ഷമമാക്കുന്നതിന് 42 ലക്ഷം രൂപപാലിയേറ്റീവ് പരിചരണത്തിന് 15 ലക്ഷം രൂപവനിതകളുടെ സ്വയംതൊഴില്‍ സംരംഭങ്ങള്‍ക്ക് സബ്സിഡി നല്‍കുന്നതിന് 30 ലക്ഷത്തി അറുപതിനായിരം രൂപമുൻസിപ്പല്‍ ഓഫീസിന് മുകളില്‍ സോളാർ പാനല്‍ സ്ഥാപിക്കുന്നതിനായി 10 ലക്ഷം രൂപനഗരത്തിന്റെ ഹൃദയഭാഗമായ ഗാന്ധി സ്‌ക്വയറില്‍ ഹാപ്പിനസ് പാർക്ക് നിർമ്മാണം ഡിപിആർ തയ്യാറാക്കുന്നതിന് 12 ലക്ഷം രൂപ.ലഹരിക്കെതിരെ വിവിധ പദ്ധതികള്‍ നടപ്പിലാക്കുന്നതിന് ബജറ്റില്‍ തുക വകയിരുത്തിയിരിക്കുന്നു. ടൗണ്‍ഹാള്‍ നവീകരണവും സ്ലോട്ടർ ഹൗസ് നവീകരണവും ആധുനിക മീറ്റ് സ്റ്റാള്‍ നിർമ്മാണവും സമയബന്ധിതമായി പൂർത്തിയാക്കും .സമരങ്ങളിലൂടെ വിവാദമായ മുപ്പത്തിരണ്ടാം വാർഡ് കല്യാണതണ്ടിലെ കുടിവെള്ള പദ്ധതിക്ക് അഞ്ച് ലക്ഷം രൂപയും വകയിരുത്തിയിട്ടുണ്ട്. ബജറ്റില്‍ മേലുള്ള ചർച്ച ഇന്ന് രാവിലെ പതിനൊന്നുമണിക്കു നടക്കും.സൈഡ്- ഇൻഡോർ സ്റ്റേഡിയമടക്കമുള്ള വലിയ പദ്ധതികള്‍ക്ക് ബജറ്റില്‍ പരിഗണനയില്ല. യുവജനങ്ങള്‍ക്കും അവഗണന.
