കണ്ണൂര് എഡിഎം കെ നവീന് ബാബുവിന്റെ മരണവുമായി ബന്ധപ്പെട്ട കേസില് കണ്ണൂര് ജില്ലാ പഞ്ചായത്ത് മുന് പ്രസിഡന്റ് പി പി ദിവ്യ പൊലീസ് കസ്റ്റഡിയില്. ഇന്ന് വൈകീട്ട് 5 മണിവരെയാണ് ദിവ്യയെ പൊലീസ് കസ്റ്റഡിയില് വിട്ടിരിക്കുന്നത്. ദിവ്യയെ കോടതിയില് ഹാജരാക്കിയതിന് പിന്നാലെയാണ് കസ്റ്റഡിയില് വിട്ടത്. കണ്ണൂര് ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതിയില് പൊലീസ് കസ്റ്റഡി അപേക്ഷ സമര്പ്പിക്കുകയായിരുന്നു.
