പുന്നമൂട് സ്കൂളിൽ കുട്ടികൾക്ക് ദേഹാസ്വാസ്ഥ്യം; പെപ്പർ സ്പ്രേ ഉപയോഗിച്ചെന്ന് പ്രാഥമിക വിവരം

തിരുവനന്തപുരം: നേമം പുന്നമൂട് ഹയർ സെക്കൻഡറി സ്കൂളിൽ കുട്ടികൾക്ക് ദേഹാസ്വാസ്ഥ്യം. ഒമ്പത് കുട്ടികളെ ആശുപത്രിയിലേക്ക് മാറ്റി. ആദ്യം ഇവരെ ജനറൽ ആശുപത്രിയിലേക്കും പിന്നീട് മെഡിക്കൽ കോളേജിലേക്കുമാണ് മാറ്റിയത്. കുട്ടികൾ തമ്മിൽ പെപ്പർ സ്പ്രേ ഉപയോഗിച്ചെന്നാണ് പ്രാഥമിക വിവരം. പ്ലസ് ടു വിദ്യാർത്ഥികൾക്കാണ് ദേഹാസ്വാസ്ഥ്യമുണ്ടായത്. സംഭവത്തിൽ അന്വേഷണം നടക്കുകയാണ്.