കൊച്ചിയില്‍ ഒമ്പതാം ക്ലാസുകാരിയായ പെണ്‍കുട്ടിയെ സഹോദരൻ പീഡിപ്പിച്ചു. സഹപാഠികളോട് പെണ്‍കുട്ടി വിവരം വെളിപ്പെടുത്തിയതോടെയാണ് സംഭവം പുറത്തറിയുന്നത്.
2024 ഡിസംബറിലായിരുന്നു സംഭവം. ഭയം കാരണം പെണ്‍കുട്ടി വീട്ടുകാരോട് പറഞ്ഞിരുന്നില്ല. എന്നാല്‍ സ്കൂളിലെ കൂട്ടുകാരിയോട് പറഞ്ഞതിലൂടെയാണ് അധ്യാപകർ വിവരമറിഞ്ഞത്. ഒമ്ബതാം ക്ലാസില്‍ പഠിക്കുന്ന സഹോദരൻ ലഹരിക്ക് അടിമയെന്നും വിദ്യാർഥികള്‍ക്കിടയില്‍ ലഹരി വില്‍ക്കുന്നയാളെന്നും പൊലീസ് പറയുന്നു.സ്വകാര്യഭാഗത്ത് വേദന അനുഭവപ്പെട്ടതോടെയാണ് കുട്ടി സംഭവം വെളിപ്പെടുത്തിയത്. തുടർന്ന് കുട്ടിക്ക് കൗണ്‍സിലിങ് നല്‍കുകയും ചൈല്‍ഡ് ലൈനില്‍ വിവരമറിയിക്കുകയും ചെയ്യുകയായിരുന്നു. പിന്നാലെ പൊലീസില്‍ പരാതി നല്‍കുകി. ഈ സംഭവത്തില്‍ ഒമ്ബതാം ക്ലാസ്സുകാരനെക്കുറിച്ച്‌ പൊലീസ് വിവരങ്ങള്‍ ശേഖരിക്കുന്നതിനിടെയാണ് പുതിയൊരു പരാതി ലഭിച്ചത്. പാലാരിവട്ടം പോലീസ് പോക്സോ നിയമപ്രകാരം കേസ് രജിസ്റ്റർ ചെയ്തു. പെണ്‍കുട്ടിക്ക് തുടർച്ചയായി കൗണ്‍സിലിങ് നല്‍കാൻ പൊലീസ് തീരുമാനിച്ചു. പ്രതി പ്രായപൂർത്തിയാകാത്തതിനാല്‍ കേസുമായി ബന്ധപ്പെട്ട് സിഡബ്ല്യൂസിന് പൊലീസ് റിപ്പോർട്ട് നല്‍കും.
