നെടുങ്കണ്ടം:എടത്വാമുക്കില്‍ എക്സൈസ് സംഘം നടത്തിയ പരിശോധനയില്‍ ഒന്നര ലിറ്റർ വാറ്റുചാരായവുമായി മധ്യവയസ്കൻ പിടിയില്‍.പാമ്ബാടുംപാറ എടത്വാമുക്ക് കരയില്‍ കണിശ്ശേരില്‍ കെ.ടി. മനോജാണ് (50) അറസ്റ്റിലായത്.1.5 ലിറ്റർ വാറ്റ് ചാരായം കൈവശം വെച്ചതിനാണ് അറസ്റ്റ്. എക്സൈസ് സംഘത്തിന് ലഭിച്ച രഹസ്യവിവരത്തിന്‍റെ അടിസ്ഥാനത്തില്‍ ഉടുമ്ബൻചോല എക്സൈസ് റേഞ്ച് ഓഫിസിലെ അസി.എക്സൈസ് ഇൻസ്‌പെക്ടർ (ഗ്രേഡ്) പി.ഡി. സേവിയറും സംഘവും ചേർന്ന് എടത്വമുക്ക് കരയില്‍ നടത്തിയ പരിശോധനയിലാണ് ഇയാളെ പിടികൂടിയത്. മുമ്ബും ചാരായവും, വാഷും കൈവശംവെച്ചതിന് ഇയാള്‍ക്കെതിരെ കേസുണ്ട്. കഴിഞ്ഞ ഒരാഴ്ചയായി ഇയാള്‍ ഷാഡോ ടീമിന്‍റെ നിരീക്ഷണത്തിലായിരുന്നു. പ്രിവന്റീവ് ഓഫിസർ ഗ്രേഡ് ഷനെജ്. കെ, ശ്രീകുമാർ. എസ്, അരുണ്‍. എം.എസ്, ജോഷി. വി.ജെ, സിവില്‍ എക്സൈസ് ഓഫിസർ അരുണ്‍ ശശി, പ്രഫുല്‍ ജോസ്, വനിത സിവില്‍ എക്സൈസ് ഓഫിസർ മായ. എസ്, സിവില്‍ എക്സൈസ് ഓഫിസർ ഡ്രൈവർ ബിലേഷ്. വി.പി എന്നിവർ പങ്കെടുത്തു
