സംസ്ഥാനത്ത് ഇന്ന് സ്വര്‍ണവിലയില്‍ വര്‍ധന. ഒരു ഗ്രാമിന് ഇന്നത്തെ നിരക്ക് 9,065 രൂപയാണ്. ഒരു പവന് സ്വര്‍ണത്തിന് 360 രൂപ വര്‍ധിച്ച് 72,520ലെത്തി. ജൂണ്‍ പകുതിക്ക് സര്‍വകാല റെക്കോഡിലെത്തിയ ശേഷം പിന്നീട് സ്വര്‍ണവില താഴേക്കായിരുന്നു. ഈ ട്രെന്റിനാണ് ഇപ്പോള്‍ മാറ്റംവന്നിരിക്കുന്നത്.ഇന്ന് 24 കാരറ്റ് സ്വര്‍ണവില 9,841 രൂപയിലെത്തി. 18 കാരറ്റിന് ഒരു ഗ്രാമിന് 7,381 രൂപയും പവന് 59,048 രൂപയുമാണ് നിരക്ക്. ഒരു ഗ്രാം വെള്ളിവില 120 രൂപയിലെത്തി. ഇന്നത്തെ നിരക്കനുസരിച്ച് 10 ഗ്രാം സ്വര്‍ണം വാങ്ങണമെങ്കില്‍ 90,210 രൂപ വരെ ചിലവ് വരും. അഞ്ച് പവന് വാങ്ങണമെങ്കില്‍ കുറഞ്ഞത് 4.50 ലക്ഷം രൂപ വേണം.
