സംസ്ഥാനത്ത് സ്വര്ണവില വീണ്ടും വര്ധിച്ചു. ഒരു പവന് 94920 രൂപയാണ് ഇന്നത്തെ സ്വര്ണവില. ഒരു ഗ്രാം സ്വര്ണം ലഭിക്കാന് 11,865 രൂപ നല്കണം. 24 കാരറ്റ ഒരു ഗ്രാം സ്വര്ണത്തിന് 12,944 രൂപയാണ് വില. 18 കാരറ്റ് ഒരു ഗ്രാം സ്വര്ണത്തിന് 9,708 രൂപനല്കണം.സ്വര്ണവിലയിലുണ്ടാകുന്ന ഉയര്ച്ച അനുസരിച്ച് സ്വര്ണത്തിന്റെ ആവശ്യകതയില് ഇടിവ് ഉണ്ടായിട്ടില്ലെന്നതും എടുത്ത് പറയേണ്ടതാണ്. ആഭരണത്തിന് മാത്രമാണ് ആവശ്യക്കാര് കുറയുന്നത്. അതേസമയം, ബാര്, കോയിന്, ഡിജിറ്റല് ഗോള്ഡ് എന്നിങ്ങനെ പല രീതിയില് സ്വര്ണവില്പ്പന നടക്കുന്നുണ്ട്. അവയ്ക്കെല്ലാമാണ് ആവശ്യക്കാരുള്ളത്. നിക്ഷേപകരും ഉപഭോക്താക്കളും സ്വര്ണവിലയില് തുടരുന്ന ഈ സ്ഥിരതയെ ഇരുകൈയും നീട്ടി സ്വീകരിക്കുക തന്നെയാണ്.സെന്ട്രല് ബാങ്കുകള് സ്വര്ണം വാങ്ങിക്കൂട്ടുന്നതും അമേരിക്കന് കേന്ദ്ര ബാങ്കായ ഫെഡറല് റിസര്വിന്റെ തീരുമാനങ്ങളും സ്വര്ണവിലയിലെ കുതിപ്പിന് വഴിവെച്ചിട്ടുണ്ട്. ഈ വര്ഷം മാസം തോറും 64 ടണ് സ്വര്ണമാണ് സെന്ട്രല് ബാങ്കുകള് വാങ്ങിയെതെന്നാണ് ഗോള്ഡ്മാന് സാച്ച്സ് റിസര്ച്ചിന്റെ റിപ്പോര്ട്ട്.
