സംസ്ഥാനത്ത് സ്വർണവില വീണ്ടും കുതിക്കുന്നു. ഇടയ്ക്കിടെ വിലയിൽ ചെറിയ ഇടിവുകൾ രേഖപ്പെടുത്തുന്നുണ്ടെങ്കിലും റെക്കോർഡ് വിലയിലേക്ക് കുതിക്കുകയാണ് സ്വർണം. ഇന്ന് പവന് 1520രൂപ വർധിച്ചു. നിലവിൽ 22 കാരറ്റിന്റെ ഒരു പവൻ സ്വർണത്തിന്റെ വില 1, 18,320രൂപയാണ്. ഗ്രാമിന് 14790രൂപയും. കഴിഞ്ഞദിവസം പവന് 1,16,800രൂപയായിരുന്നു വില. അതേസമയം 18കാരറ്റിന്റെ ഒരു പവൻ സ്വർണത്തിന് 96,808രൂപയും 24കാരറ്റിന്റെ ഒരു പവൻ സ്വർണത്തിന് 1,29,080രൂപയുമാണ് ഇന്നത്തെ വില. സ്വർണത്തിനൊപ്പം വെള്ളിവിലയും ഉയരുന്നുണ്ട്. ഒരു ഗ്രാം വെള്ളിക്ക് ഇന്നത്തെ വില 300രൂപയാണ്. അവധിക്കാലവും ആഘോഷങ്ങളും വരാനിരിക്കേ സ്വർണവില ഇനിയും കുതിച്ചുയരുമെന്നാണ് വ്യാപാരികളും പ്രതീക്ഷിക്കുന്നത്.
