വേനല്‍ ചൂടില്‍ കട്ടപ്പന നഗരം ചുട്ടുപൊള്ളുകയായിരുന്നു. ഏതാനും ആഴ്ചകള്‍ക്ക് മുമ്ബ് തന്നെ കേരളത്തില്‍ വേനല്‍മഴ തുടങ്ങിയിരുന്നുവെങ്കിലും ജില്ലയിലെ വാണിജ്യ കേന്ദ്രമായ കട്ടപ്പനയിലേക്ക് വേണ്ടവണ്ണം മഴ ലഭിച്ചിരുന്നില്ല.
കട്ടപ്പനയുടെ സമീപ പ്രദേശങ്ങളില്‍ വരെ കഴിഞ്ഞ ദിവസങ്ങള്‍ ശക്തമായ മഴ ലഭിച്ചിരുന്നു. ആ മേഖലയിലെ കാർഷിക മേഖലകള്‍ക്ക് ആശ്വാസമുണ്ടായെങ്കിലും കട്ടപ്പനയ്ക്ക് നിരാശയായിരുന്നു. നഗരത്തിനുള്ളിലെ ചെറുകിട പച്ചക്കറി തോട്ടങ്ങളും മറ്റ് കൃഷികളും വേനല്‍ചൂടില്‍ കരിഞ്ഞു തുടങ്ങിയിരുന്നു. കൂടാതെ പല ദിവസങ്ങളില്‍ ഇരുണ്ടു കൂടിയ കാർമേഘം അന്തരീക്ഷ താപനില വർദ്ധിപ്പിച്ചു.മാംപൂ അടക്കമുള്ളവ കൊഴിഞ്ഞും തുടങ്ങിയിരുന്നു . ഇന്നലെ ഉച്ചകഴിഞ്ഞതോടെയാണ് ശക്തമായ മഴ ലഭിച്ചത്. ഒരു മണിക്കൂറോളം മതിയായ മഴ ലഭിച്ചു. തുടർന്ന് രാത്രി സമയങ്ങളിലും ശക്തി കുറഞ്ഞ മഴയുണ്ടായിരുന്നു.
