യോഗേഷ് ഗുപ്തക്ക് 5 ദിവസത്തിനകം ക്ലിയറൻസ് സർട്ടിഫിക്കറ്റ് നൽകണമെന്ന് ട്രൈബ്യൂണൽ ഉത്തരവ്; സർക്കാരിന് തിരിച്ചടി

വിജിലൻസ് ക്ലിയറൻസ് സർക്കാർ ബോധപൂർവ്വം വൈകിപ്പിക്കുന്നുവെന്ന് ചൂണ്ടിക്കാട്ടി യോ​ഗേഷ് ​ഗുപ്ത നൽകിയ പരാതിയിലാണ് നടപടിതിരുവനന്തപുരം: ഡിജിപി യോ​ഗേഷ് ​ഗുപ്തക്ക് കേന്ദ്ര നിയമനത്തിനാവശ്യമായ വിജിലൻസ് ക്ലിയറൻസ് സർട്ടിഫിക്കറ്റ് തടഞ്ഞുവെച്ച സംസ്ഥാന സർക്കാരിന് തിരിച്ചടി. അഞ്ച് ദിവസത്തിനകം യോ​ഗേഷ് ​ഗുപ്തക്ക് ക്ലിയറൻസ് സർട്ടിഫിക്കറ്റ് നൽകണമെന്ന് കേന്ദ്ര അഡ്മിനിസ്ട്രേറ്റീവ് ട്രൈബ്യൂണൽ ഉത്തരവിട്ടുവിജിലൻസ് ക്ലിയറൻസ് സർക്കാർ ബോധപൂർവ്വം വൈകിപ്പിക്കുന്നുവെന്ന് ചൂണ്ടിക്കാട്ടി യോ​ഗേഷ് ​ഗുപ്ത നൽകിയ പരാതിയിലാണ് നടപടി. കേരളം വിട്ട് കേന്ദ്ര സ‌ർക്കാരിന് കീഴിലുള്ള പദവിയിലേക്ക് മാറാൻ അനുവദിക്കണമെന്ന് മുഖ്യമന്ത്രിയടക്കമുള്ളവരോട് യോ​ഗേഷ് ആവശ്യപ്പെട്ടിട്ടും സർക്കാ‌ർ അംഗീകരിച്ചിരുന്നില്ല. സർക്കാരുമായി പ്രശ്നങ്ങളുണ്ടായതോടെയാണ് യോ​ഗേഷ് ​ഗുപ്ത കേന്ദ്ര ഡെപ്യൂട്ടേഷന് അപേക്ഷിച്ചത്. എന്നാൽ കേന്ദ്രത്തിൽ നിയമനം ലഭിക്കുന്നതിനാവശ്യമായ വിജിലൻസ് ക്ലിയറൻസ് സർട്ടിഫിക്കറ്റ് സംസ്ഥാനം തടഞ്ഞുവെയ്ക്കുകയായിരുന്നു.സംസ്ഥാന സർക്കാരിനെതിരെ നിയമപോരാട്ടത്തിനിറങ്ങിയ മുതിർന്ന ഐപിഎസ് ഉദ്യോഗസ്ഥനായ യോഗേഷ് ഗുപ്തക്ക് കഴിഞ്ഞ മൂന്ന് വർഷത്തിനിടെ ലഭിച്ചത് ഏഴ് സ്ഥലംമാറ്റമാണ്. 2022 ൽ കേന്ദ്ര ഡെപ്യൂട്ടേഷനിൽ നിന്ന് കേരളത്തിലെത്തിയ യോ​ഗേഷിന് ബിവറേജസ് കോർപറേഷൻ എം ഡി ആയിട്ടാണ് ആദ്യം നിയമനം ലഭിച്ചത്. പിന്നീട് പൊലീസ് പരിശീലന വിഭാ​ഗം അഡീഷനൽ ഡയറക്ടർ ജനറലാക്കി. പൊലീസ് അക്കാദമി ഡയറക്ടർ, സംസ്ഥാന ക്രൈം റെക്കോർഡ്സ് ബ്യൂറോ എഡിജിപി, ബിവറേജസ് കോർപറേഷൻ എം ഡി, വിജിലൻസ് മേധാവി, അഗ്നിരക്ഷാസേനാ മേധാവി എന്നിവിടങ്ങളിലേക്കാണ് പിന്നീട് മാറ്റം ലഭിച്ചത്.