വി ജോയ് സിപിഐഎം തിരുവനന്തപുരം ജില്ലാ സെക്രട്ടറി; സംസ്ഥാന നേതൃത്വത്തിന്റെ നിര്ദ്ദേശം ജില്ലാ കമ്മിറ്റി അംഗീകരിച്ചു
വി ജോയ് സിപിഐഎം തിരുവനന്തപുരം ജില്ലാ സെക്രട്ടറി. ജോയിയെ സെക്രട്ടറിയാക്കാനുള്ള സംസ്ഥാന നേതൃത്വത്തിന്റെ നിര്ദ്ദേശം ജില്ലാ കമ്മിറ്റി അംഗീകരിച്ചുനിയമസഭാ തിരഞ്ഞെടുപ്പില് സ്ഥാനാര്ഥിയായതോടെയാണ് വി ജോയ് ജില്ലാ സെക്രട്ടറിയുടെ ചുമതല എ എ റഹീമിന് നല്കിയത്. ജില്ലാ സെക്രട്ടറി സ്ഥാനത്തേക്ക് ജോയിയെ തിരികെ കൊണ്ടുവരാനാണ് സംസ്ഥാന നേതൃത്വത്തിന്റെ തീരുമാനം. വി ശിവന്കുട്ടി, ഡി.കെ മുരളി, കെ എസ് സുനില്കുമാര് എന്നിവരും ജില്ലാ സെക്രട്ടറി ആകാന് താല്പര്യം പ്രകടിപ്പിച്ചെങ്കിലും സംസ്ഥാന നേതൃത്വം ജോയിക്കൊപ്പമായിരുന്നു.അതേസമയം, തിരുവനന്തപുരം ജില്ലാ സെക്രട്ടറിയേറ്റില് നിന്ന് വി ശിവന്കുട്ടി വിട്ടുനിന്നത് ചര്ച്ചയായി. വി ജോയിയെ ജില്ലാ സെക്രട്ടറിയായി തുടരാന് അനുവദിച്ചതിലുള്ള എതിര്പ്പ് മൂലമാണ് വിട്ടുനില്ക്കലെന്നാണ് വിവരം.തിരഞ്ഞെടുപ്പ് ഫല അവലോകന റിപ്പോര്ട്ടിന്മേലുള്ള ചര്ച്ചയ്ക്കും ജില്ലാ സെക്രട്ടറി തിരഞ്ഞെടുപ്പുമായിരുന്നു യോഗത്തിന്റെ പ്രധാന അജണ്ട. ഇത് ചര്ച്ച ചെയ്യുന്നതിന് മുന്നോടിയായുള്ള ജില്ലാ സെക്രട്ടറിയേറ്റ് യോഗത്തില് നിന്നാണ് വി ശിവന്കുട്ടി വിട്ടുനിന്നത്. സിപിഐഎമ്മിന്റെ സംസ്ഥാന സമിതി അംഗമായ വി ശിവന്കുട്ടി തിരുവനന്തപുരത്തെ എല്ലാ സംഘടനായോഗങ്ങളിലും മുടക്കമില്ലാതെ പങ്കെടുക്കുന്ന നേതാവാണ്. മന്ത്രിയായിരുന്നപ്പോഴടക്കം ഒരു തവണ പോലും ജില്ലാ സെക്രട്ടറിയേറ്റില് നിന്ന് മാറി നില്ക്കുന്ന പതിവ് വി ശിവന്കുട്ടിക്കില്ല എന്നിരിക്കെയാണ് ചര്ച്ചകള്ക്കിടയായത്.
