സ്വര്ണവില ഇന്നും കുറഞ്ഞു

സംസ്ഥാനത്ത് വീണ്ടും സ്വര്ണവില കുറയുന്നു. ഇന്ന് പവന് 640 രൂപയാണ് കുറഞ്ഞത്. 74,360 രൂപയാണ് ഒരു പവന് സ്വര്ണത്തിന്റെ വില. ഗ്രാമിന് ആനുപാതികമായി 80 രൂപയാണ് കുറഞ്ഞത്. 9295 രൂപയാണ് ഒരു ഗ്രാം സ്വര്ണത്തിന്റെ വില. റെക്കോര്ഡുകള് ഭേദിച്ച് കുതിച്ച സ്വര്ണവിലയില് ശനിയാഴ്ച മുതലാണ് ഇടിവ് രേഖപ്പെടുത്താന് തുടങ്ങിയത്. വെള്ളിയാഴ്ച രേഖപ്പെടുത്തിയ 75,760 രൂപയാണ് റെക്കോര്ഡ് ഉയരം. മൂന്നു ദിവസത്തിനിടെ പവന് 1400 രൂപയാണ് കുറഞ്ഞത്.കഴിഞ്ഞ മാസം 23ന് 75000 കടന്ന് കുതിച്ച സ്വര്ണവില പിന്നീടുള്ള ദിവസങ്ങളില് താഴുന്ന കാഴ്ചയാണ് ദൃശ്യമായത്. 74,000ല് താഴെ പോയ സ്വര്ണവിലയാണ് പിന്നീട് കുതിച്ച് ഉയര്ന്ന് പുതിയ ഉയരം കുറിച്ചത്. ഈ മാസാദ്യം 73,200 രൂപയായിരുന്നു സ്വര്ണവില. ഒരാഴ്ചയ്ക്കിടെ 2500 രൂപയിലധികം വര്ധിച്ച ശേഷമാണ് ശനിയാഴ്ച മുതല് കുറയാന് തുടങ്ങിയത്