വഡോദരയില് ചരക്ക് ഇടനാഴി പദ്ധതികള് ഉദ്ഘാടനം ചെയ്ത് പ്രധാനമന്ത്രി : പദ്ധതികള് ഇന്ത്യയുടെ വ്യാപാരത്തിന്റെയും വാണിജ്യത്തിന്റെയും നട്ടെല്ലെന്നും മോദി
വഡോദര: ചൊവ്വാഴ്ച വഡോദരയില് നടന്ന ‘നമോ ഫോർ വികസിത് ഭാരത്’ പരിപാടിയില് പങ്കെടുത്ത് പ്രധാനമന്ത്രി നരേന്ദ്ര മോദി പ്രധാനമന്ത്രി നഗരത്തില് ഒരു മെഗാ ഷോ നടത്തുകയും വെസ്റ്റേണ് ഡെഡിക്കേറ്റഡ് ഫ്രൈറ്റ് കോറിഡോറിന്റെ (ഡബ്ല്യുഡിഎഫ്സി) മൂന്ന് പ്രധാന ഭാഗങ്ങള് രാജ്യത്ത് സമർപ്പിക്കുകയും ചെയ്തു. ഇത് ഇന്ത്യയുടെ സമർപ്പിത ചരക്ക് അടിസ്ഥാന സൗകര്യങ്ങളുടെ ഒരു പ്രധാന ഘട്ടത്തിന്റെ പൂർത്തീകരണത്തെ അടയാളപ്പെടുത്തി.സനന്ദ് (നോർത്ത്)-മകർപുര, ന്യൂ ഉംബർഗാവ്-ന്യൂ സഫാലെ, ന്യൂ സഫാലെ-ജവഹർലാല് നെഹ്റു പോർട്ട് ടെർമിനല് (ജെഎൻപിടി) എന്നീ മൂന്ന് വിഭാഗങ്ങള് ഒരുമിച്ച് 326 റൂട്ട് കിലോമീറ്ററുകളാണ് ഉള്ക്കൊള്ളുന്നത്. ഏകദേശം 20,700 കോടിയിലധികം രൂപ ചെലവിലാണ് ഇവ വികസിപ്പിച്ചെടുത്തത്.അതേ സമയം തന്നെ സമ്മേളനത്തില് നഗരത്തിലെ ജെൻസി യുവാക്കളെ അഭിസംബോധന ചെയ്തുകൊണ്ട് പ്രധാനമന്ത്രി സംസാരിച്ചു. വൈവിധ്യമാർന്ന മേഖലകളില് പ്രവർത്തിക്കുന്ന സഹപ്രവർത്തകർ ഉള്പ്പെടുന്ന വളർച്ചയുടെയും പങ്കാളിത്തത്തിന്റെയും ആഘോഷമാണിതെന്ന് അദ്ദേഹം പറഞ്ഞു. കൂടാതെ “ഒരു ‘വികസിത് ഭാരത്’ (വികസിത ഇന്ത്യ)യിലേക്കുള്ള യാത്ര കൂടുതല് ത്വരിതപ്പെടുത്തുന്നതിനാണ് താൻ ഇന്ന് നിങ്ങള്ക്കിടയില് വന്നതെന്നും അദ്ദേഹം കൂട്ടിച്ചേർത്തു. 2004-ല് തന്നെ വിഭാവനം ചെയ്തിട്ടും ഈ അഭിലാഷകരമായ സംരംഭം വർഷങ്ങളോളം ഫയലുകളില് കുടുങ്ങിക്കിടക്കുകയാണെന്ന് പ്രസംഗത്തിനിടെ, മുൻ സർക്കാരുകളെ രൂക്ഷമായി വിമർശിച്ച് അദ്ദേഹം പറഞ്ഞു.വികസിത രാഷ്ട്രമായി മാറാനുള്ള ഇന്ത്യയുടെ യാത്രയ്ക്ക് കൂടുതല് ആക്കം കൂട്ടുക എന്നതാണ് തന്റെ സന്ദർശനത്തിന്റെ ലക്ഷ്യമെന്നും മോദി പറഞ്ഞു. വ്യത്യസ്ത മേഖലകളില് പ്രവർത്തിക്കുന്ന ആളുകളെ ഒരുമിച്ച് കൊണ്ടുവരുന്ന വളർച്ചയുടെയും പങ്കാളിത്തത്തിന്റെയും ആഘോഷമായാണ് അദ്ദേഹം സമ്മേളനത്തെ വിശേഷിപ്പിച്ചത്.
