News
ഓടിക്കൊണ്ടിരുന്ന സ്കൂള് ബസിന്റെ ഡോര് തെറിച്ചുവീണു; അപകടം ഒഴിവായത് തലനാരിഴയ്ക്ക്
മണ്ണാര്ക്കാട്: പാലക്കാട് മണ്ണാര്ക്കാട് തച്ചമ്പാറയില് ഓടിക്കൊണ്ടിരുന്ന സ്കൂള് ബസിന്റെ ഡോര് തെറിച്ചുവീണു. തച്ചമ്പാറയിലെ ദേശബന്ധു സ്കൂളിലെ വിദ്യാര്ത്ഥികളെ കയറ്റിവന്ന ബസിന്റെ ഡോറാണ് തെറിച്ചുവീണത്. ആളപായമില്ല. തച്ചമ്പാറ അരപ്പാറ റോഡില് ഇന്ന് രാവിലെയായിരുന്നു സംഭവം.സ്കൂള് വാഹനങ്ങളുടെ ഫിറ്റ്നെസ് പരിശോധന കഴിഞ്ഞ് രണ്ടാഴ്ച തികയും മുമ്പാണ് അപകടമുണ്ടായിരിക്കുന്നത്. ഡോര് തെറിച്ചു വീണ സമയം റോഡിലൂടെ കുട്ടികളോ മറ്റ് യാത്രക്കാരോ ഇല്ലാതിരുന്നതിനാല് വലിയ അപകടമാണ് ഒഴിവായത്.
