പുരുഷന്മാർക്ക് സീറോ ടിക്കറ്റ് നൽകുന്നത് ഗൗരവമായി പരിഗണിക്കും, പ്രിയദർശിനി ബസിലെ തിരക്ക് നേരിടാൻ ക്യു സംവിധാനം; മന്ത്രി സി പി ജോൺ
പുരുഷന്മാർക്ക് സീറോ ടിക്കറ്റ് നൽകുന്നതിൽ കണ്ടക്ടർമാർക്ക് മുന്നറിയിപ്പുമായി ഗതാഗതമന്ത്രി സി പി ജോൺ. ഇരിക്കുന്ന കൊമ്പ് മുറിക്കരുതെന്ന് മുന്നറിയിപ്പ് നൽകി. പുരുഷന്മാർക്ക് സീറോ ടിക്കറ്റ് നൽകുന്നത് ഗൗരവമായി പരിഗണിക്കും. പ്രിയദർശിനി ബസിലെ തിരക്ക് നേരിടാൻ ക്യു സംവിധാനം കൊണ്ടുവരും. തിരക്കുള്ള ഇടങ്ങളിൽ ക്യു പാലിച്ച് കയറാൻ ശ്രമിക്കണം. KSRTC എം ഡിക്ക് നിർദേശം നൽകിയെന്നും മന്ത്രി വ്യക്തമാക്കി.അതേസമയം കെഎസ്ആര്ടിസിയുടെ പ്രിയദര്ശിനി ബസില് യാത്ര ചെയ്ത അഞ്ച് പുരുഷന്മാര്ക്ക് സീറോ ടിക്കറ്റ് നല്കി തുക വെട്ടിച്ച കണ്ടക്ടറെ പരിശോധന നടത്തിയ ഇന്സ്പെക്ടര് പിടികൂടിയിരുന്നു. പെരുമ്പാവൂര് ഡിപ്പോയില് നിന്ന് മൂവാറ്റുപുഴ- ആലുവ റൂട്ടില് സര്വീസ് നടത്തുന്ന ബസിലെ കണ്ടക്ടര് വിജയന് എതിരെ നടപടിക്ക് ശുപാര്ശ ചെയ്ത അധികൃതര് വിജിലന്സ് വിഭാഗത്തിന് റിപ്പോര്ട്ട് നല്കി.വാഴക്കുളം പഞ്ചായത്തിലെ മഞ്ഞപ്പെട്ടി സ്റ്റോപ്പില് ഇറങ്ങിയ രണ്ട് പുരുഷന്മാരുടെ ടിക്കറ്റ് ഇന്സ്പെക്ടര് പ്രിയേഷ് പോള് പരിശോധിച്ചപ്പോള് രണ്ടും സീറോ ടിക്കറ്റായിരുന്നു. യാത്രക്കാര് ടിക്കറ്റ് ചാര്ജ് നല്കിയതായി വെളിപ്പെടുത്തി. തുടര്ന്ന് ബസിനകത്ത് കയറി പരിശോധിച്ചപ്പോഴാണ് മൂന്ന് പുരുഷയാത്രക്കാര്ക്ക് കൂടി സീറോ ടിക്കറ്റ് നല്കിയതായി കണ്ടെത്തിയത്. ഇവരും കണ്ടക്ടര്ക്ക് പണം നല്കിയതായി അറിയിച്ചതിനെ തുടര്ന്നാണ് നടപടി.
