ബിജെപി വിടുന്നതായി ഔദ്യോഗികമായി പ്രഖ്യാപിച്ച് ബിജെപി തമിഴ്നാട് മുന് അധ്യക്ഷന് കെ അണ്ണാമലൈ. താന് ബിജെപി വിട്ടെന്നും ഇന്നു മുതല് പുതിയ വഴിയിലാണെന്നും അണ്ണാമലൈ ലൈവില് പറഞ്ഞു. താന് പുതിയ മുന്നേറ്റം രൂപീകരിക്കുകയാണെന്നും അണ്ണാമലൈ മക്കള് ഇയക്കം എന്നാണ് അതിന് പേര് നല്കുന്നതെന്നും അണ്ണാമലൈ പ്രഖ്യാപിച്ചു. ഇന്ത്യന് എന്നതിനേക്കാള് തനിക്ക് തമിഴനെന്നതിലാണ് അഭിമാനമെന്നും അദ്ദേഹം ലൈവില് സൂചിപ്പിച്ചു. അണ്ണാമലൈയുടെ രാജി ബിജെപി ദേശീയ അധ്യക്ഷന് നിതിന് നബിന് അംഗീകരിച്ചു. രജനീകാന്തിന്റെ അനുഗ്രഹത്തോടെയാണ് താന് ബിജെപിയിലെത്തിയതെന്ന് അണ്ണാമലൈ പറഞ്ഞു. ബി എല് സന്തോഷിന്റെ ഉറപ്പുകളും മറ്റും പരിഗണിച്ചാണ് താന് ബിജെപിയിലേക്ക് വന്നത്. ഒറ്റയാളെ കേന്ദ്രീകരിക്കുന്ന പാര്ട്ടിയില് ഇപ്പോള് താന് വിശ്വസിക്കുന്നില്ലെന്നും സാധാരണക്കാരന്റെ പാര്ട്ടിയാണ് നാടിന് ആവശ്യമെന്നും അണ്ണാമലൈ പറഞ്ഞു. യാതൊരു വേര്തിരിവുകളുമില്ലാതെ എല്ലാവരേയും ഉള്ക്കൊള്ളുന്ന മുന്നേറ്റത്തിലാണ് താന് വിശ്വസിക്കുന്നതെന്നും അതിനാണ് താന് രൂപം കൊടുക്കുന്നതെന്നും അദ്ദേഹം കൂട്ടിച്ചേര്ത്തു.താന് രൂപീകരിക്കാനുദ്ദേശിക്കുന്ന പാര്ട്ടി വരും തിരഞ്ഞെടുപ്പില് തമിഴ്നാട്ടില് മത്സരിക്കുമെന്നും അണ്ണാമലൈ സൂചിപ്പിച്ചു. കഴിഞ്ഞ ഡിസംബറില് തന്നെ ബിജെപിയില് നിന്ന് താന് രാജിവയ്ക്കാന് ഒരുങ്ങിയതാണ്. എന്നാല് നിയമസഭാ തിരഞ്ഞെടുപ്പ് കഴിയുന്നത് വരെ നില്ക്കാന് പാര്ട്ടി നേതൃത്വം തന്നോട് ആവശ്യപ്പെട്ടു. അത് താന് അനുസരിച്ചുവെന്നും അണ്ണാമലൈ കൂട്ടിച്ചേര്ത്തു.
