മെഡിക്കല് ഓഫീസര് അഭിമുഖം: ആലപ്പുഴ, എറണാകുളം, തൃശൂര്, ഇടുക്കി എന്നീ ജില്ലകളിലെ ഇന്ഷുറന്സ് മെഡിക്കല് സര്വീസസ് വകുപ്പിന് കീഴിലുള്ള വിവിധ ഇ.എസ്.ഐ സ്ഥാപനങ്ങളിലെ അലോപ്പതി വിഭാഗം മെഡിക്കല് ഓഫീസര്മാരുടെ ഒഴിവുകളിലേക്കും ഉണ്ടാകാന് സാധ്യതയുള്ള ഒഴിവിലേക്കും കരാര് വ്യവസ്ഥയില് താല്ക്കാലിക നിയമനം നടത്തുന്നതിന് ഇന്റര്വ്യൂ നടത്തും. ഇന്റര്വ്യൂവില് പങ്കെടുക്കാന് താല്പ്പര്യമുള്ള എം.ബി.ബി.എസ് ഡിഗ്രിയും ടി.സി.എം.സി രജിസ്ട്രേഷനും ഉളള ഉദ്യോഗാര്ത്ഥികള് cru.czims@kerala.gov.in എന്ന ഇ-മെയില് വിലാസത്തിലേക്ക് ഇ-മെയില് വിലാസം, ഫോണ് നമ്പര് എന്നിവയടങ്ങിയ ബയോഡാറ്റ ജൂലൈ 31 ന് വൈകിട്ട് 5 മണിക്ക് മുന്പായി സമര്പ്പിക്കണം. ലഭിക്കുന്ന അപേക്ഷകളുടെ അടിസ്ഥാനത്തില് ഇന്റര്വ്യൂ നടത്തുന്ന സ്ഥലവും സമയവും തീയതിയും ഉദ്യോഗാര്ത്ഥികളെ പിന്നീട് ഇ മെയില് മുഖാന്തിരം അറിയിക്കുമെന്ന് റീജിയണല് ഡെപ്യൂട്ടി ഡയറക്ടര് അറിയിച്ചു. കൂടുതല് വിവരങ്ങള്ക്ക് ഫോണ്: 0484 2391018
