കേരളം ശക്തമായ സഹകരണ സംവിധാനമുള്ള നാട്, സഹകരണ മേഖലയിലൂടെ സ്ത്രീ ശാക്തീകരണം പ്രധാനമന്ത്രിയുടെ പ്രധാന ലക്ഷ്യങ്ങളിലൊന്ന്: അമിത് ഷാ

കൊല്ലം: കേരളം ശക്തമായ സഹകരണ സംവിധാനമുള്ള നാടെന്ന് കേന്ദ്ര ആഭ്യന്തര മന്ത്രി അമിത് ഷാ. ദേശീയ സഹകരണ പദ്ധതികൾ കേരളത്തിൽ നടപ്പിലാക്കാൻ സഹകരണ മന്ത്രിയെ ഡൽഹിയിലേക്ക് ക്ഷണിക്കുന്നു. സഹകരണ മേഖലയിലൂടെ സ്ത്രീ ശാക്തീകരണം പ്രധാനമന്ത്രിയുടെ പ്രധാന ലക്ഷ്യങ്ങളിലൊന്ന്.സഹകരണത്തിലൂടെ സമൃദ്ധി എന്ന പദ്ധതി മേഖലയിലെ സ്ത്രീകൾക്ക് കരുത്തു പകരും. സ്ത്രീകൾക്കായി 36 കോടി ബാങ്ക് അകൗണ്ട് തുറക്കാൻ മോദി ഭരണത്തിൽ കഴിഞ്ഞുവെന്നും അമിത് ഷാ വ്യക്തമാക്കി. കുണ്ടറ മുളവനയിലെ പവിത്രം കൺെവൻഷൻ സെന്ററിൽ നടക്കുന്ന അന്താരാഷ്ട്ര വനിതാകർഷക വർഷാചരണവുമായി ബന്ധപ്പെട്ട് ‘സഹകരണത്തിലൂടെ സമൃദ്ധി’ (സഹ്കാർ സേ സമൃദ്ധി) പരിപാടിയിൽ പങ്കെടുത്ത് സംസാരിക്കുകയായിരുന്നു അദ്ദേഹം.കരുവന്നൂർ സഹകരണ ബാങ്ക് തട്ടിപ്പിൽ കേന്ദ്ര ആഭ്യന്തര മന്ത്രിയുടെ ശ്രദ്ധ ക്ഷണിച്ച് സുരേഷ് ഗോപി രംഗത്തെത്തി. കുറ്റക്കാരിൽ നിന്നും പണം കണ്ട് കെട്ടി സഹകരണ വകുപ്പിന് നൽകണമെന്ന് സുരേഷ് ഗോപി ആവശ്യപ്പെട്ടു. ഇതിനായി ആഭ്യന്തര മന്ത്രി അമിത് ഷാ ഇടപെടൽ നടത്തണമെന്നും ആവശ്യം. ഹൈകോടതി നിർദ്ദേശിച്ചിട്ടും തുടർ നടപടികൾ ഉണ്ടാകുന്നില്ല. കൊല്ലത്ത് നടന്ന സഹ്കാർ സമൃദ്ധി ഉദ്ഘാടന പരിപാടിയുടെ വേദിയിലാണ് സുരേഷ് ഗോപി ഇക്കാര്യം ആവശ്യപ്പെട്ടത്.