ഇടുക്കി ഏകലവ്യ മോഡല് റസിഡന്ഷ്യല് സ്കൂള്, വിവിധ പ്രീമെട്രിക് ഹോസ്റ്റലുകള് എന്നിവിടങ്ങളിലെ അന്തേവാസികളായ വിദ്യാര്ത്ഥികള്ക്ക് വ്യക്തിത്വ വികസനം, സ്വഭാവരൂപീകരണം, പഠനശേഷി വര്ധിപ്പിക്കല് തുടങ്ങിയ കാര്യങ്ങളില് കൗണ്സലിംഗ് നല്കുന്നതിനും കരിയര് ഗൈഡന്സ് നല്കുന്നതിനും 2026-27 അധ്യയനവര്ഷത്തേക്ക് കരാറടിസ്ഥാനത്തില് കൗണ്സിലര്മാരെ നിയമിക്കുന്നതിന് തൊടുപുഴയില് മിനി സിവില് സ്റ്റേഷനില് പ്രവര്ത്തിക്കുന്ന ഇടുക്കി ഐ.റ്റി.ഡി പ്രോജക്ട് ഓഫീസില് ജൂണ് 30 ന് വാക്ക് ഇന് ഇന്റര്വ്യൂ നടത്തുന്നു. എം.എ.സൈക്കോളജി/എം.എസ്.ഡബ്യൂ(സ്റ്റുഡന്റ് കൗണ്സലിംഗ് പരിശീലനം നേടിയവരാകണം) തുടങ്ങിയവയാണ് യോഗ്യതകള്. കേരളത്തിന് പുറത്തുളള സര്വകലാശാലകളില് നിന്നും യോഗ്യത നേടിയവര് തുല്യത സര്ട്ടിഫിക്കറ്റ് ഹാജരാക്കണം. താല്പര്യമുളളവര് ജൂണ് 30 ന് രാവിലെ 10 മണിക്ക് ഓഫീസില് നേരിട്ട് ഹാജരാകണം. കൂടുതല് വിവരങ്ങള്ക്ക് ഫോണ്:04862222399ഇമെയില്:itdpidukki@gmail.com
