എയിംസിനുവേണ്ടി 10 സ്ഥലങ്ങൾ കണ്ടെത്തി; കേന്ദ്ര ആരോഗ്യ മന്ത്രാലയത്തെ അറിയിച്ച് സർക്കാർ
എയിംസിനു വേണ്ടി 10 സ്ഥലങ്ങൾ കണ്ടെത്തി കേന്ദ്ര ആരോഗ്യ മന്ത്രാലയത്തെ അറിയിച്ച് സംസ്ഥാന സർക്കാർ. തിരുവനന്തപുരം, ആലപ്പുഴ, എറണാകുളം, കോഴിക്കോട്, കോട്ടയം അടക്കമുള്ള ജില്ലകളിലെ സ്ഥലങ്ങൾ കണ്ടെത്തിയാണ് കേന്ദ്രത്തെ അറിയിച്ചത്. 10 സ്ഥലങ്ങളിൽ ഏതെങ്കിലും ഒരിടത്ത് എയിംസ് അനുവദിക്കണമെന്ന് കേന്ദ്രത്തോട് ആവശ്യപ്പെട്ടു. ഫീസിബിലിറ്റി സ്റ്റഡി എത്രയും വേഗം നടത്തണമെന്നും സംസ്ഥാനത്തിന്റെ ആവശ്യം. കേന്ദ്രം അനുയോജ്യം എന്ന് പറയുന്ന സ്ഥലം വിട്ടു നൽകാൻ സംസ്ഥാനം തയ്യാറാണെന്നും അറിയിച്ചു.എയിംസ് സ്ഥാപിക്കുന്നതുമായി ബന്ധപ്പെട്ട വിശദമായ പദ്ധതി നിർദേശം തയാറാക്കാൻ ആരോഗ്യമന്ത്രി കെ.മുരളീധരൻ പ്രിൻസിപ്പൽ സെക്രട്ടറിക്ക് പട്ടിക നൽകിയിരുന്നു. കൊരട്ടി, കുന്നംകുളം, വൈക്കം, പിറവം, കോഴിക്കോട്, തൃക്കരിപ്പൂർ, കാസർകോട്, പെരുവ (കോട്ടയം) എന്നീ കേന്ദ്രങ്ങളെ അടിസ്ഥാനമാക്കിയാണ് പട്ടിക തയാറാക്കിയിരിക്കുന്നത്.എയിംസിന് അനുമതി ലഭ്യമാക്കണമെന്ന് കേന്ദ്രമന്ത്രിയോട് മന്ത്രി കെ മുരളീധരൻ ആവശ്യപ്പെട്ടിരു്നനു. കേരളത്തിൻ്റെ ആവശ്യം ന്യായമാണെന്നും അത് അംഗീകരിക്കുന്നുവെന്നും കേന്ദ്ര മന്ത്രി ജെപി നദ്ദ പറഞ്ഞു. നടപടികൾ പൂർത്തിയാക്കി സമയബന്ധിതമായി എംയിസ് അനുവദിക്കുമെന്നും അദ്ദേഹം വ്യക്തമാക്കി.
