മഴ മുന്നറിയിപ്പില് മാറ്റം; വയനാട്, കോഴിക്കോട്, മലപ്പുറം ജില്ലകളില് ഓറഞ്ച് അലേര്ട്ട്
തിരുവനന്തപുരം: സംസ്ഥാനത്ത് മഴ മുന്നറിയിപ്പില് മാറ്റം. അതിശക്തമായ മഴയ്ക്ക് സാധ്യത. മൂന്ന് ജില്ലകളില് ഓറഞ്ച് അലേര്ട്ട് പ്രഖ്യാപിച്ചു. വയനാട്, കോഴിക്കോട്, മലപ്പുറം ജില്ലകളിലാണ് കേന്ദ്ര കാലാവസ്ഥാ വകുപ്പ് ഓറഞ്ച് അലേര്ട്ട് പ്രഖ്യാപിച്ചിരിക്കുന്നത്. ഇടുക്കി, പാലക്കാട്, തൃശൂര് ജില്ലകളില് കൂടി യെല്ലോ അലേര്ട്ട് പുറപ്പെടുവിച്ചിട്ടുണ്ട്. കാസര്കോട്, കണ്ണൂര് ജില്ലകളിലും യെല്ലോ അലേര്ട്ട് തുടരും. നാളെയും സംസ്ഥാനത്ത് മഴ തുടരുമെന്നാണ് പ്രവചനം. കാസര്കോട് മുതല് മലപ്പുറം വരെയുളള 5 ജില്ലകളില് നാളെ യെല്ലോ അലേര്ട്ടാണ്. മലയോര മേഖലകളിലേക്ക് രാത്രി യാത്രയ്ക്ക് കര്ശന നിയന്ത്രണമേര്പ്പെടുത്തിയിട്ടുണ്ട്. വൈകീട്ട് ഏഴുമുതല് രാവിലെ ഏഴുവരെ മലയോര പ്രദേശങ്ങളിലൂടെയുളള യാത്ര പരമാവധി ഒഴിവാക്കണമെന്നാണ് ജില്ലാ ഭരണകൂടങ്ങളുടെ നിര്ദേശം. ഉരുള്പൊട്ടല് സാധ്യതയുളള പ്രദേശങ്ങളില് താമസിക്കുന്നവരെ സുരക്ഷിത സ്ഥാനങ്ങളിലേക്ക് മാറ്റാനുളള നടപടികള് പുരോഗമിക്കുകയാണ്. കടലാക്രമണം രൂക്ഷമാകാന് സാധ്യത ഉളളതിനാല് മത്സ്യത്തൊഴിലാളികള് കടലില് പോകുന്നതിനും നിയന്ത്രണമുണ്ട്
