നേഴ്സിങ് സീറ്റുകളുടെ എണ്ണം 50 ശതമാനം വർദ്ധിപ്പിക്കും, നേഴ്സിങ് സർവകലാശാല കേരളത്തിൽ യാഥാർഥ്യമാക്കും: മുഖ്യമന്ത്രി
തിരുവനന്തപുരം: കേരളത്തിലെ നേഴ്സിങ് സീറ്റുകളുടെ എണ്ണം 50 ശതമാനം വർദ്ധിപ്പിക്കുമെന്ന് മുഖ്യമന്ത്രി വി ഡി സതീശൻ. ഘട്ടം ഘട്ടമായി പോസ്റ്റുകൾ ക്രിയേറ്റ് ചെയ്ത് നേഴ്സുമാരുടെ ജോലിഭാരം കുറയ്ക്കും. നേഴ്സിങ് വിദ്യാഭ്യാസം കേരളത്തിന് പുറത്തുനിന്ന് ഇവിടേക്ക് പറിച്ചു നടണം. നേഴ്സിങ് സർവകലാശാല കേരളത്തിൽ യാഥാർഥ്യമാക്കും. ലോകത്ത് എവിടെ കിട്ടും നമ്മുടെ സർക്കാർ ആശുപത്രികളിലെ പ്രാക്ടീസ്. രോഗം മുൻപേ നിർണയിച്ച് തടയുന്ന ടെക്നോളജി ഉള്ള രീതിയിലേക്ക് ലോകം മാറുന്നു. ഇതുമായി ബന്ധപ്പെട്ട ചികിത്സ ഇന്ത്യയിൽ ആദ്യമായി കേരളത്തിൽ തുടങ്ങുകയാണെന്നും അദ്ദേഹം പറഞ്ഞു.വൈദ്യുതി വാങ്ങാന്‍ ജിഎന്‍എയുമായി കരാര്‍ ഉണ്ടാക്കിയിട്ടില്ലെന്ന് മുഖ്യമന്ത്രി നേരത്തെ പ്രതികരിച്ചിരുന്നു. ഇലക്ട്രിസിറ്റി ബോര്‍ഡ് കരാര്‍ ഉണ്ടാക്കിയാല്‍ അല്ലേ അതില്‍ നിന്നും പിന്‍വാങ്ങാന്‍ കഴിയൂ. കാര്യങ്ങള്‍ മനസ്സിലാക്കാതെയാണ് വാര്‍ത്തകള്‍ വരുന്നതെന്നും മുഖ്യമന്ത്രി ആരോപിച്ചു. വൈദ്യുതി മന്ത്രി അയച്ച ഫയല്‍ മുഖ്യമന്ത്രിയുടെ മുന്നില്‍ വന്നപ്പോള്‍ രണ്ട് ഓപ്ഷന്‍ ആണ് ഉണ്ടായിരുന്നത്.14.50രൂപയ്ക്ക് വൈദ്യുതി നല്‍കുന്ന ഹിമാചലിന്റെ കരാറായിരുന്നു ഒന്ന്. 8.63/8.90 രൂപയ്ക്ക് വൈദ്യുതി നല്‍കുന്ന ജിഎന്‍എ കരാര്‍ ആയിരുന്നു മറ്റൊന്ന്. ഹിമാചലിന്റെ വൈദ്യുതി ഇതിനകം രാജസ്ഥാന് 15.50 രൂപയ്ക്ക് കൊടുത്തെന്ന് ആ ഫയലില്‍ തന്നെയുണ്ടായിരുന്നു. പിന്നെ ജിഎന്‍എ മാത്രമാണ് മുന്നിലുണ്ടായിരുന്നു. രണ്ടും താരതമ്യം ചെയ്താലും ജിഎന്‍എ ആണ് മികച്ച ഓപ്ഷന്‍ എന്ന് മനസ്സിലായി. എന്നാല്‍ കരാര്‍ ഉണ്ടാക്കിയിട്ടില്ലെന്ന് മുഖ്യമന്ത്രി വിശദീകരിച്ചു.ഇപ്പോള്‍ വൈദ്യുതി ആവശ്യമില്ലെന്ന് വൈദ്യുതി മന്ത്രി പറഞ്ഞത് നൂറ് ശതമാനം ശരിയാണെന്നും മുഖ്യമന്ത്രി വ്യക്തമാക്കി. ഇപ്പോള്‍ ആവശ്യമില്ല. എന്നാല്‍ അടുത്ത മാസങ്ങളില്‍ ആവശ്യം വരും. പ്ലാനിംഗ് ഇല്ലാത്തതിനാലാണ് സംസ്ഥാനത്ത് പവര്‍ക്കട്ട് പോലും വന്നത്. വൈദ്യുതിക്ക് വിലകുറവുണ്ടാകുമ്പോള്‍ ദീര്‍ഘകാല കരാര്‍ ഉണ്ടാക്കാത്തതാണ് കഴിഞ്ഞ സര്‍ക്കാര്‍ ചെയ്ത കുറ്റകൃത്യമെന്ന് മുഖ്യമന്ത്രി വിശദീകരിച്ചു.
